මහලේකම්

පරනගමගේ දොන් නිහාල්

 ආබාධ සහිත පුද්ගල සංවිධාන ඒකාබද්ධ පෙරමුණ

දු.ක - +94(0)112721383

විද්‍යුත්තැපැල් - dojfsl@gmail.com

මෙරටේ දිවිගෙවන ලක්ෂ 16කට ආසන්න ආබාධ සහිත තැනැත්තන්ගෙන් ලක්ෂ 12ක් පමණ ශ්‍රී ලාංකේය ඡන්ද අයිතිය හිමි පුරවැසියෝ ය. ඔවුන් ගෙවී ගිය දශක කිහිපය තුළ ආර්ථික, සමාජීය සහ දේශපාලනික මෙන්ම සංස්කෘතික වශයෙන් අසාධාරණයන්ට ලක් වී ‍ ඇති බව ප්‍රකට කරුණකි.

ආබාධ සහිත තැනැත්තන් සමාජයේ අනෙකුත් පුරවැසියන් භුක්ති විඳින සෞඛ්‍ය, අධ්‍යාපනය, ආර්ථික ස්ථාවරත්වය මෙන්ම ස්වාධීන දිවියක් ගත කිරීම සඳහා පැවතිය යුතු ශක්‍යතාවයෙන් ආන්තීකරණයට ලක්කොට ඇත්තේය. එපමණක් නොව, පුරවැසියෙක් වශයෙන් භුක්ති විදිය යුතු මූලික අයිතිවාසිකම් ද ඔවුන්ට සීමා වී ඇත.

ඒ අනුව මෙදින පැවති මෙම විශේෂ සැමරුම් වැඩසටහනෙහි මූලික අභිලාශය වූයේ, ශ්‍රී ලංකාවේ ආබාධ සහිත තැනැත්තන් මුහුණ දෙන ගැටලු පිළිබඳව දේශපාලන අධිකාරිය, ප්‍රතිපත්ති සම්පාදකයින්, රාජ්‍ය නිලධාරීන් සහ පුද්ගලික අංශයේ නියෝජිතයින් ප්‍රමාණාත්මකව දැනුම්වත් කිරීමයි.

එහිලා ඒකාබද්ධ පෙරමුණේ ආරාධනය මත කැබිනට් අමාත්‍ය මහින්ද අමරවීර මැතිතුමා මෙන්ම පාර්ලිමේන්තු මන්ත්‍රීවරුන් වන ජී. එල් පීරිස්, ඩලස් අලහප්පෙරුම, උදය ගම්මන්පිල, හර්ෂ ද සිල්වා, තිස්ස අත්තනායක, අජිත් මාන්නප්පෙරුම, අරවින්ද් කුමාර්, හේෂා විතාරණ, නාලක ගොඩහේවා, ප්‍රේමනාත් දොලවත්ත යන දේශපාලන නියෝජිතයින් සහභාගී වූහ.

එසේම මෙම සුවිශේෂී අවස්ථාව සඳහා ස්විස්ටර්ලන්ත තානාපති කාර්‍යාලය සහ නොර්වේ තානාපති කාර්යාල නියෝජිතයින් ද, රාජ්‍ය සහ රාජ්‍ය නොවන සංවිධාන මෙන්ම සිවිල් සංවිධාන නියෝජිතයින් රැසක් ද සහභාගී වූහ. පෞද්ගලික අංශය නියෝජනය කරමින් ජෝන් කීල්ස් ආයතනය ද තම සක්‍රීය සහභාගිත්වය මීට ලබාදුන් අතර පැරා ඔලිම්පික් කමිටු නියෝජිතයෝ ද තම සහභාගිත්වය දැක්වූහ. ඊට සමාන්තරව මෙරටේ ව්‍යාප්තව පවතින්නා වූ ආබාධ සහිත පුද්ගල සංවිධාන නියෝජනය කරමින් ඒවායේ නියෝජිතයින් රැසක් මෙම අවස්ථාවට සහභාගී වූහ.

ඒ්කාබද්ධ පෙරමුණ නියෝජනය කරමින් නිතීඥ නිහාල් පරණගම, රසාංජලි පතිරගේ, බ්‍රයන් සුසන්ත කොඩිතුවක්කු, ටිකිරි කුමාර ජයවර්ධන, සුභානි උදේශිකා, පුෂ්පා රාමනායක සහ ප්‍රසන්න වික්‍රමසිංහ යන මහත්ම මහත්මීන් මෙම වැඩසටහනෙදී අදහස් දැක්වූහ. ඔවුන් විසින් ආබාධ සහිත තැනැත්තන් මුහුණපාන ගැටලු පිළිබඳ විවිධ ක්‍ෂේත්‍ර නියෝජන කරමින්ද අදහස් දක්වන ලදි.

මෙම වැඩසටහනෙහි තවත් එක් විශේෂාංගයක් වූයේ National Democratic Institute (NDI) ව්‍යාපෘතිය යටතේ නිර්මාණය කරන ලද අන්තර්කරණයෙන් යුත් මැතිවරණයක් සඳහා වන වාර්තාමය වීඩියෝව ඉදිරිපත් කිරීමයි. NDI ආයතනය නියෝජනය කරමින් සහභාගී වූයේ එහි ජ්‍යෙෂ්ඨ වැඩසටහන් කළමනාකාරිණිය වන තරංගා ගුණසිංහ මහත්මියයි.

මෙම සැමරුම් උළෙලේ තවත් එක් ආකර්ශනීය අංගයක් වූයේ සම්මානනීය ශ්‍රී ලාංකේය නර්තනාචාර්යවරයෙක් වන චන්දන වික්‍රමසිංහ මහතා යටතේ පුහුණු කරන ලද ආබාධ සහිත තැනැත්තන්ගෙන් සහ ආබාධ සහිත ළමුන්ගෙන් සැදුම්ලත් චිචිත්‍රවත් නර්තනාංගයයි.

ශ්‍රී ලංකාවේ අන්තර්කරණයෙන් යුත් මැතිවරණ ක්‍රියාවලියක් සඳහා ඒකාබද්ධ පෙරමුණ විසින් රචිත මැතිවරණ අන්තර්කරණයේ අතුරු කතා නම් කෘතිය එළිදැක්වීම මෙන්ම අන්තර්කරණයෙන් යුත් මැතිවරණයක් සඳහා වන වාර්තාමය වීඩියෝපටය එළිදැක්වීම 2022 නොවැම්බර් මස 24 වන දින බත්තරමුල්ල මොනාක් ඉම්පීරියල් හෝටලයේදී පවත්වන ලදී.

මෙහිදී අන්තර්කරණ මැතිවරණ ක්‍රියාවලිය තුළ එක් එක් ආබාධිත ප්‍රජාවන් මුහුණපාන ගැටලු පිළිබඳ, සුගත් වසන්ත ද සිල්වා මහතා, බ්‍රයන් සුසන්ත කොඩිතුවක්කු මහතා, ටිකිරි කුමාර ජයවර්ධන මහතා, පුෂ්පා රාමනායක මෙනෙවිය සහ මිහිමිත් (Little People) ප්‍රජාව වෙනුවෙන් දර්ශනී නානායක්කාර මහත්මිය අදහස් දක්වන ලදී.

ආරාධිත දේශනය විශ්වවිද්‍යාල ප්‍රතිපාදන කොමිෂන් සභාවේ සභාපති, ජ්‍යෙෂ්ඨ මහාචාර්ය සම්පත් අමරතුංග මහතා පවත්වන ලදී. අන්තර්කරණයෙන් යුත් මැතිවරණ ක්‍රියාවලියක් තහවුරු කිරීම සඳහා මැතිවරණ කොමිෂන් සභාව අනුදත් පිළිවෙත පිළිබද මැතිවරණ කොමසාරිස් ජෙනරාල් සමන් ශ්‍රී රත්නායක මහතා සහ ප්‍රධාන අදහස් දැක්වීම මැතිවරණ කොමිසමේ සභාපති නීතිඥ නිමල් ජී පුංචිහේවා මහතා සිදුකරන ලදී.

සහකාර සහ නියෝජ්‍ය මැතිවරණ කොමසාරිස්වරුන් සමග විවෘත සාකච්ඡාව මෙහෙයවීම සහ අන්තර්කරණ ඡන්ද මධ්‍යස්ථානයක් පිළිබද පෙරහුරුව සහකාර මැතිවරණ කොමසාරිස් ශ්‍රීන් යාපා බොරලැස්ස මහතා සිදුකරන ලදී.

මැතිවරණ අන්තර්කරණය හා සබැඳි කෘතිය ජනගත කිරීම සහ වාර්තා වීඩියෝපටය එළිදැක්වීමේ අවස්ථාව සඳහා ඒකාබද්ධ පෙරමුණේ මහලේකම් රසාංජලි පතිරගේ මහත්මියගේ සමාරම්භක අදහස් දැක්වීමෙන් ආරම්භ විය. මැතිවරණ අන්තර්කරණය හා සබැඳි කෘතිය පිළිගැන්වීම ඒකාබද්ධ පෙරමුණේ ගරු සභාපති නිහාල් පරණගම මහතා සිදුකරන ලදී. ඉන් අනතුරුව වාර්තා වීඩියෝපටය එළිදැක්වීම සිදු කරන ලදී. NDI ආයතනය වෙනුවෙන් අදහස් දැක්වීම ජ්‍යෙෂ්ඨ නේවාසික අධ්‍යක්ෂිකා තුසිතා පිලපිටිය මහත්මිය,සිදු කරන ලදි. අනතුරුව මැතිවරණ කොමිෂන් සභාව වෙනුවෙන් ශ්‍රීන් යාපා බොරලැස්ස මහතා ද, IRES ආයතනයේ විධායක අධ්‍යක්ෂක මංජුල ගජනායක මහත්මා ශ්‍රී ලංකාවේ ස්ථාපිත මැතිවරණ සාහිත්‍ය පිළිබඳ විග්‍රහයක් ද, ප්‍රධාන දේශනය කොළඹ දිස්ත්‍රික් ලේකම් සහ තේරීම්භාර නිලධාරී ප්‍රදීප් යසරත්න මහත්මා විසින් සිදු කරන ලදී.

වැඩසටහනට සහභාගි වූ පිරිස අමතමින් ඒකාබද්ධ පෙරමුනේ සභාපති නිහාල් පරනගම මහතා හදුන්වාදීම සිදුකරන ලදි. ඉන් අනතුරුව ඒකාබද්ධ පෙරමුනේ මහලේකම්තුමිය වන රසාංජලී පතිරගේ මහත්මිය විසින් ආබාධ සහිත පුද්ගලයන්ගේ අයිතිවාසිකම් පිළිබඳ පනතක සහ නීති ප්‍රතිසංස්කරණවල අවශ්‍යතාවය පිළිබඳව පහැදිලි කරන ලදි. ඒකාබද්ධ පෙරමුනේ හිටපු සභාපතිවරයෙකු වන සුගත් වසන්ත ද සිල්වා මහතා විසින් අමාත්‍යංශ මට්ටමින් ආබාධ සහිත පුද්ගලයින් සම්බන්ධීකරණය සදහා කේන්ද්‍රීය ස්ථාන පිහිටුවීම සහ සම්බධීකරන සහ නියාමන යාන්ත්‍රණයක අවශ්‍යතාවය පිළිබඳව සභාවට පැහැදිලි කරන ලදි. ඒකාබද්ධ පෙරමුනේ සාමාජිකයෙකු සහ ජාතික සභාවේ සාමාජිකයෙකු වන ටිකිරි කුමාර ජයවර්ධන මහතා විසින් ආබාධ සහිත තැනැත්තන්ගේ කටයුතු සදහා ජාතික කොමිෂන් සභාවක අවශ්‍යතාවය පැහැදිලි කරන ලදි. ජාතික සභාවේ සහ ඒකාබද්ධ පෙරමුනේ සාමජිකයෙකු වන බ්‍රයන් සුසන්ත මහතා සභාව අමතමින් සංඥා භාෂා කෙටුම්පත පිළිබඳව අදහස් බෙදා ගන්නා ලදි.

මෙම වැඩසටහනට සියලු පක්ෂ නියෝජනය කරමින් රාජ්‍ය අමාත්‍යවරුන්, හිටපු අමාත්‍යවරුන් සහ පාර්ලිමේන්තු මන්ත්‍රීවරුන් 22ක් සහභාගී වූහ. ඒ අතර හිටපු පාර්ලිමේන්තු කතානායක සහ හිටපු නියෝජ්‍ය කතානායක තුමන්ලාද වුහ. මෙම සාකච්ඡාවට භාජනය වූ පනත් කෙටුම්පත්වලට අවශ්‍ය පූර්ණ සහය පාර්ලිමේන්තුව තුල ලබා දෙන බවටත්, ඊට අමතරව ආබාධ සහිත තැනැත්තන්ගේ ගැටලු පිළිබඳව දැඩි අවදානය යොමු කරන බව ද සඳහන් කරන ලදී.

මෙම වැඩසටහනට NDI, USAID, IFES සහ MyRight යන ජාත්‍යන්තර සංවිධානවල දේශීය නියෝජිතයින්ද සහභාගී වූහ. එසේම PAFFREL සහ ශ්‍රි ලංකා පුවත්පත් ආයතන SLPI නියෝජිතයින්ද සහභාගී වූහ.

මෙම සාකච්ඡාව තුළදී ආබාධ සහිත ප්‍රජාව ඔවුන්ගේ ආබධිතභාවය අනුව මැතිවරණයේදී මුහුණ දෙන සුවිශේෂී ගැටලුන් සහ පොදුවේ ඔවුන්ට මැතිවරණ ක්‍රියාවලියේදී අවශ්‍ය පහසුකම් සහ අවශ්‍ය යාන්ත්‍රණයන් පිලිබඳ සාකච්ඡා කරන ලදී. ඒ යටතේ මැතිවරණ කොමිෂන් සභාව තුළ ආබාධ සහිත පුද්ගලයන් වෙනුවෙන් අන්තර් කෙන්න්ද්‍රීය කමිටුවක් ස්ථපනය කිරීමේ වැදගත්කමත්, එම කමිටුවේ ස්වභාවය පිළිබඳවත් අදහස් දක්වන ලදී. අවසාන වශයෙන් කොමිෂන් සභාවේ සභාපතිතුමන්ගේ අදහස වුයේ එකී අන්තර්කෙන්ද්රීය කමිටුවේ, කාර්යයන් සහ එහි සැකැස්ම පිළිබඳව යෝජනාවන් කොමිෂන් සභාව වෙත ඉදිරිපත් කරන ලෙසයි. ඒකාබද්ධ පෙරමුණේ නියෝජිතයින් එම නිර්දේශ කඩිනමින් ඉදිරිපත් කිරීමට එකඟ විය.

This Media Service Center and sign language interpretation broadcast service was established under the leadership of the Hon. Dullas Alahapperuma, Minister of Mass Media and Information in collaboration with the Disability Organization Joint Front (DOJF).  DOJF wishes to express our sincere respect and gratitude on behalf of the entire disabled community, for Hon. Dullas Alahapperuma, Minister of Mass Media, who provided the necessary leadership and guidance to the relevant officials for this initiative.