Past Projects – Disability Organizations Joint Front

USAID IDEA Project – 2021-2022

Issyadmin — Mon, 28 Nov 2022 07:38:29 +0000

“இயலாமையுடைய பெண்களின் உரிமைகள் மற்றும் பால்நிலை அடிப்படையிலான வன்முறை பற்றிய பிரச்சினைகளை எதிர்கொள்வதற்காக தேசிய மட்டத்திலான தளமொன்றை உருவாக்குவதற்கு இயலாமையுடைய பெண்களின் பங்கேற்றலைப் பலப்படுத்தல்’ என்னும் பால்நிலைச் சமத்துவ மற்றும் பால்நிலை அடிப்படையிலான வன்முறைக் கருத்திட்டமொன்றை, Management Systems International (இதனகத்துப்பின்னர் “MSI” என அழைக்கப்படும்) இன் ஊடாக அவர்களின் “பொறுப்புக்கூறலுக்கான அதிகரித்த தேவை மற்றும் ஈடுபாட்டுக் “ கருத்திட்டத்தின் கீழ் (MSI/IDEA) USAid இன் நிதியுதவியுடன், 2021 ஆம் ஆண்டு ஆகஸ்ட் மாதத்தில் இயலாமையுடைய நபர்களின் நிறுவனங்களின் ஒன்றிணைந்த முன்னணி ஆரம்பித்துள்ளதுடன் இது ஒரு வருட காலம் தொடரவுள்ளது.

இயலாமையுடைய பெண்கள் மற்றும் சிறுமிகளுக்கெதிரான வன்முறையை ஒழித்தலும் இயலாமை பற்றிய கண்ணோட்டத்தைப் பலமான கொள்கைகள், மூலோபாயங்கள் மற்றும் செயற்றிட்டங்களாக பெரும்போக்குடன் இணைப்பதற்காக ஆதரித்து வாதாடுவதற்கு சிவில் சமூக நிறுவனங்களைப் பலப்படுத்தலும் இக்கருத்திட்டத்தின் ஒட்டுமொத்த குறிக்கோளாகும்.

இந்த மானிய முன்னெடுப்பின் மூலம், பால்நிலை அடிப்படையிலான வன்முறைப் பிரச்சினைகளைச் சிறப்பாக எதிர்கொள்வதற்கு நிலைபேறான உறவுநிலையைப் பேணுவதற்காக, தேசிய மற்றும் மாகாண மட்டத்திலான பங்கீடுபாட்டாளர்களுடன் ஒத்துழைப்பு, பங்காண்மை மற்றும் ஒருங்கிணைப்பை அதிகரிப்பதற்கு, இயலாமையுடைய பெண்களை உள்ளடக்கிய தேசிய மட்டத்திலான தளமொன்றைத் தாபிப்பதற்கு பால்நிலை அடிப்படையிலான வன்முறை ஒழித்தல் மூலோபாயங்கள், பாலியல் மற்றும் இனப்பெருக்க சுகாதாரம் மற்றும் CRPD ஆகியவை பற்றிய பயிற்சி மற்றும் அறிவூட்டலை இயலாமையுடைய நபர்களின் நிறுவனங்களின் ஒன்றிணைந்த முன்னணி நடாத்தியது. இயலாமையுடைய பெண்கள் மற்றும் சிறுமிகளுக்கெதிரான அனைத்து விதமான வன்முறைகளையும் ஒழிப்பதற்கும் அம்முன்னெடுப்பை ஊக்குவிப்பதற்கும் பலமாகக் குரலெழுப்புவதற்கான இயலாமையுடைய பெண்களுக்கான தேசிய மட்டத்திலான தளமொன்றை உருவாக்குவதற்கு இயலாமையுடைய நபர்களின் நிறுவனங்களின் ஒன்றிணைந்த முன்னணி எதிர்பார்க்கின்றது

NDI Inclusive Election Reformation Project

Nalinda dojf — Fri, 28 Oct 2022 06:59:04 +0000

உள்ளடங்கலான தேர்தல் மறுசீரமைப்பு மீதான கருத்திட்டத்தை முன்னெடுப்பதற்காக தேசிய சனநாயக நிறுவகம் இயலாமையுடைய நபர்களின் நிறுவனங்களின் ஒன்றிணைந்த முன்னணியுடன் கைகோர்த்தது. 2021 ஆம் ஆண்டு செப்டெம்பரில் ஆரம்பிக்கப்பட்ட இக்கருத்திட்டம், ஒரு வருடம் செயற்படுத்தப்படவுள்ளது.

இந்நிகழ்ச்சித்திட்ட இடையீட்டின் மூலம், வாக்களிப்பு நிலையங்களுக்கான பௌதீக அணுகல் மற்றும் வாக்கொன்றைச் செலுத்துவதற்கான இயலுமை, தேர்தல் பற்றிய தகவல்களுக்கான அணுகல் உள்ளிட்ட ஒதுக்கப்பட்ட குழுக்கள் எதிர்கொள்ளும் அணுகற் பிரச்சினைகள் அத்துடன் ஒதுக்கப்பட்ட சமூகங்களின் தேவைகளைச் சந்திப்பதற்கான தேர்தற் தகவல்கள்/வாக்காளர் அறிவு ஆகியவற்றை இலக்குவைத்தல் ஆகியவற்றின் மீது கவனம் செலுத்துவதற்கு இயலாமையுடைய நபர்களின் நிறுவனங்களின் ஒன்றிணைந்த முன்னணி மற்றும் அதன் உப கொத்தணி உறுப்பினர்கள் திட்டமிட்டுள்ளனர்.

இலங்கையின் சூழமைவில் ஒதுக்கப்பட்ட மக்களின் மீது தாக்கம் செலுத்துகின்றதான பூகோள அரசியல் மற்றும் சமூக-பொருளாதார இயக்கவியல்களின் பின்னணியிலும் இந்நிகழ்ச்சித்திட்ட இடையீட்டை இயலாமையுடைய நபர்களின் நிறுவனங்களின் ஒன்றிணைந்த முன்னணி சூழமைவுப்படுத்தும். அரசியல் ரீதியில் இதன் அர்த்தம், இயலாமையுடைய நபர்களின் நிறுவனங்களின் ஒன்றிணைந்த முன்னணியும் ஏனைய இயலாமையுடைய நபர்களின் நிறுவனங்களும் இலங்கையில் இயலாமையுடைய நபர்களின் உரிமைகள் மீதான சமவாயத்தை நடைமுறைப்படுத்தும் சூழமைவில் தமது தேர்தல் உரிமைகளுக்காக ஆதரித்து வாதாடுவதற்காக அந்நிகழ்ச்சித்திட்டத்தின் கீழ் தங்களின் தற்போதுள்ள வலையமைப்புகளைப் பயன்படுத்தி வருவதுடன் உப கொத்தணிகளையும் பயன்படுத்தவுள்ளன என்பதாகும்.

கருத்திட்டக் குறிக்கோள்கள்

தேர்தல் மறுசீரமைப்பிற்கான ஆதரித்துவாதாடலை ஒருங்கிணைத்தல், நடைமுறைப்படுத்தல் அத்துடன் தேர்தல்களில் பங்குபற்றல் மற்றும் உள்ளடக்கத்தின் மீது கவனம் செலுத்தும் சிவில் சமூக நிறுவனங்களின் செயற்குழுவிற்குத் தலைமை வகித்தல்.
தேர்தற் செயன்முறை தொடர்பில் இயலாமையுடைய நபர்களையும் ஏனைய ஒதுக்கப்பட்ட சமுதாயங்களையும் பாதிக்கும் பாரிய தேர்தற் பிரச்சினைகளை இனங்காணல்.
இயலாமை பற்றிய தரவுகள் மற்றும் மூலோபாயங்கள் உள்ளடங்கலாக பங்குபற்றல் மற்றும் உள்ளடங்கற்தன்மை மிக்க தேர்தல் மறுசீரமைப்புகள் மீதான விழிப்புணர்வை ஏற்படுத்துவதற்காகப் பிரதான தேர்தல் பங்கீடுபாட்டாளர்களின் கொள்திறன்களை விருத்தி செய்தல்.
பங்குபற்றல் மற்றும் உள்ளடக்கம் என்னும் கொத்தணியின் கீழுள்ள தேர்தல் மறுசீரமைப்புகளுக்கான விதப்புரைகளை நடைமுறைப்படுத்தலை நோக்கி முன்கொண்டு செல்லுதல்.
தேர்தல் மறுசீரமைப்புகளுக்காகக் கூட்டாக ஆதரித்து வாதாடலில் ஈடுபடும் பொருட்டு உப–கொத்தணி உறுப்பினர்களுடனும் கொத்தணிகளிடையேயும் ஒருங்கியைபொன்றை உருவாக்குதல்.

Developing and Strengthening Advocacy and Awareness

Nalinda dojf — Fri, 25 Feb 2022 05:21:22 +0000

பரிந்து வாதாடலையும் விழிப்புணர்வையும் விருத்தி செய்தல் மற்றும் பலப்படுத்துதலின் பொருட்டு SHIA- Sweden இன் நிதியிடலுடன் 2005 ஜனவரி முதல் டிசம்பர் வரையான காலப்பகுதியின்போது இக்கருத்திட்டம் முன்னெடுக்கப்பட்டது.

இக்கருத்திட்டத்தின் கீழ், செல்வாக்கு மிக்க தீர்மானம் மேற்கொள்ளும் அமைப்புகளுடன் பரிந்து வாதாடற் பிரசாரத்தில் ஈடுபடுவதற்கு பல்வேறு வலையமைப்புகள் மற்றும் அழுத்தம் பிரயோகிக்கும் குழுக்களை இயலாமையுடைய நபர்களின் நிறுவனங்களின் ஒன்றிணைந்த முன்னணி ஒழுங்கு செய்து பங்குபற்றியது. மேலும், இயலாமையுடைய நபர்களின் உரிமைகள் மற்றும் உரித்துக்கள் பற்றிய பல்வேறு செயலமர்வுகளையும் கூட்டங்களையும் நடத்தியது.

Administration and Management Support Project

Nalinda dojf — Fri, 25 Feb 2022 05:08:19 +0000

இயலாமையுடைய நபர்களின் நிறுவனங்களின் ஒன்றிணைந்த முன்னணியின் நிர்வாக மற்றும் முகாமைத்துவக் கொள்திறனைப் பலப்படுத்துவதற்காக, பார்வையற்றோருக்கான சிவோவாம் நிலையத்தின் நிதியிடலுடன், 2005 ஜனவரி தொடக்கம் 2006 ஜனவரி வரையான காலப்பகுதியில் இக்கருத்திட்டம் முன்னெடுக்கப்பட்டது.

Some of the objectives of this project was to improve communication and networking between member organizations and the DOJF secretariat, Improve coordination and management of DOJF activities through the employment of a full-time staff and to make sure active participation of all member organizations in the DOJF capacity training program, especially those who are visually impaired by producing material in Braille for trainings.

Initiative for empowered action among disabled communities against Gender Based Violence (Pilot Project for IASC Disability Guidelines)

Issyadmin — Wed, 19 Jan 2022 08:59:17 +0000

பால்நிலை அடிப்படையிலான வன்முறைக்கெதிரான இம்முன்னோடிக் கருத்திட்டம், பால்நிலை அடிப்படையிலான வன்முறை தொடர்பில் இயலாமை உள்ளடக்கப்படுதலை விரிவுபடுத்துவதற்குப் பிராந்திய மற்றும் தேசிய மட்டங்களில் ஆதரித்து வாதாடுதலில் ஈடுபடுவதற்காக இயலாமையுடைய நபர்களின் சமுதாயத்தில் பால்நிலை அடிப்படையிலான வன்முறை பற்றிய வழிகாட்டலை வழங்குவதற்கும் விழிப்புணர்வை அதிகரிப்பதற்கும், குடும்பத் திட்டமிடல் அமைப்புகளின் நிதியிடலுடன் 2018-2019 காலப்பகுதியில் முன்னெடுக்கப்பட்டது.

குறிக்கோள்கள்

இயலாமையுடைய நபர்களையும் அவர்களின் பராமரிப்பாளர்களையும் பால்நிலை அடிப்படையிலான வன்முறை குறித்த மையப் பயிற்சித் திட்டங்களில் ஒருங்கிணைத்துக் கொள்ளல்.

இயலாமையுடைய பெண்களையும் சிறுமிகளையும் அவர்களின் உள்ளடக்கம் பற்றிய அபிவிருத்தி மூலோபாயங்களிலும் நடைமுறைப்படுத்தற் செயற்பாடுகளிலும் ஈடுபடுத்தல்.

இயலாமையுடைய நபர்கள் பால் மற்றும் வயது அடிப்படையில் பிரிக்கப்பட்டுள்ளதான தற்போதுள்ள பால்நிலை அடிப்படையிலான வன்முறைப் பதிற்செயற்பாட்டுச் சேவைகளை ஒருங்கிணைத்தல்.

IDEA -USAID Project 2019-2020

Issyadmin — Wed, 19 Jan 2022 08:22:47 +0000

IDEA -USAID கருத்திட்டம் 2019-2020

விரிவானதோர் ஆதரித்து வாதாடல் மற்றும் பரிந்து வாதாடற் செயற்பாட்டின் மூலம் பெரும்போக்கு அபிவிருத்தியில் இயலாமையை உள்ளடக்கல்’ என்னும் கருத்திட்டத்தை நடைமுறைப்படுத்துவதற்காக சர்வதேச அபிவிருத்திக்கான ஐக்கிய அமெரிக்க முகவராண்மையினால் (USAID) இந்த நிலையான தொகையைக் கொண்ட வெகுமதி 2019 ஆகஸ்ட் 15 ஆம் திகதியிலிருந்து 2020 ஆகஸ்ட் 14 ஆம் திகதி வரை வழங்கப்பட்டது.

பிரதான குறிக்கோள்

இயலாமையுடைய நபர்களின் உரிமைகள் மற்றும் பால்நிலை உள்ளடங்கலான மனித உரிமைகள் அறிவினை வழங்கி, இயலாமையுடைய நபர்களைத் திரட்டுவதன் மூலம் விரிவான இயலாமையுடைய நபர்களின் உரிமைகள் கண்காணிப்பு வலையமைப்பொன்றை முன்னெடுத்தல் மற்றும் மாவட்ட/மாகாண மட்டத்தில் கண்காணித்தல் வலையமைப்பொன்றை உருவாக்கி அதன் மூலமாக தேசிய மட்ட இயலாமையுடைய நபர்களின் உரிமைகள் கண்காணிப்பை உருவாக்குதல்.

கருத்திட்டத்தின் நோக்கம்

இலங்கையில் இயலாமையுடைய நபர்களின் உரிமைகள் மீறப்படுவதைக் கண்காணிப்பதற்கான தகுந்த பொறிமுறை எதுவுமில்லை. மேலும், சம்பவங்கள்/மீறல்கள் தொடர்பான தகவல்கள் நம்பகரமானவையான இல்லாதபோது, தேசிய மட்டத்திலும் அத்துடன் மாகாண மட்டத்திலும் உரிமை மீறல் பிரச்சினைகள் தொடர்பாக மேலும் நடவடிக்கைகளை அல்லது இடையீடுகளை முன்னெடுக்க முடியாத நிலை காணப்படுகின்றது.

அறிக்கையிடற் செயன்முறையை மேலும் உள்ளடங்கற்தன்மை மிக்கதாகவும் சான்றுகளின் அடிப்படையிலானதாகவும் ஆக்குவதற்கும் பரந்த பிரதிநிதித்துவமொன்றையும் உரிமை மீறல்களுக்கான பதிற் செயற்பாட்டையும் கொண்டிருப்பதற்கும், மனித உரிமைகள் பற்றிய அறிவூட்டலை, குறிப்பாக பால்நிலை உள்ளடங்கலான இயலாமையுடைய நபர்களின் உரிமைகள் மீதான அறிவூட்டலை, இயலாமையுடைய நபர்களின் நிறுவனங்களின் ஒன்றிணைந்த முன்னணி முன்னெடுத்ததுடன் நாடெங்கும் பரந்துள்ள இயலாமையுடைய நபர்களின் நிறுவனங்களின் ஒன்றிணைந்த முன்னணியின் உறுப்பு நிறுவனங்களின் வலையமைப்பின் பங்குபற்றலுடனும் பங்காண்மையுடனும் மாவட்ட மற்றும் மாகாண மட்டங்களில் கண்காணிப்பு வலையமைப்பொன்றையும் உருவாக்கியது.

நிகழ்வுகள்

பிராந்திய மட்டச் செயலமர்வுகள்

இயலாமையுடைய இளைஞர்கள் மற்றும் பெண்களை உள்ளடக்கிய, இயலாமையுடைய நபர்களின் உரிமைகள் மற்றும் பால்நிலை விழிப்புணர்வு அத்துடன் தலைமைத்துவத்தின் ஊடான கல்வி ஆகியவை உள்ளடங்கலான மனித உரிமைகள் மீதான பிராந்திய மட்டச் செயலமர்வு மேல் மாகாணத்திலும் அத்துடன் தெற்கு மற்றும் மத்திய மாகாணங்களிலும் நிறைவு செய்யயப்பட்டுள்ளது. இயலாமையுடைய 56 பங்குபற்றுநர்கள் இந்நிகழ்வில் பங்குபற்றியதுடன் மேற்சொல்லப்பட்ட விடயப்பரப்புகளில் விழிப்புணர்வும் ஏற்படுத்தப்பட்டது.

UNCRPD இன் இலகுவாக வாசிக்கக்கூடிய வடிவத்திலான சைகை மொழி வீடியோ

தேசிய மட்ட மனித உரிமைகள், CPRD மற்றும் பால்நிலைச் செயலமர்வுகளில் பங்குபற்ற வேண்டியவர்களான செவிப்புலனற்ற ஆட்களுடன் இலகுவாகத் தொடர்பாடலை மேற்கொள்ளும் பொருட்டு UNCRPD இன் இலகுவாக வாசிக்கக்கூடிய வடிவத்திலான சைகை மொழி வீடியோ வடிவம், சிங்கள மற்றும் தமிழ் உப தலைப்புகளுடன் பூர்த்தி செய்யப்பட்டுள்ளது.

DRMN இணைய நுழைவாயில்

இயலாமையுடைய நபர்களின் உரிமைகள் கண்காணிப்பு முறைமைக்கான(DRMS) இணைய அடிப்படையிலான பிரயோகத்தின் வடிவமைப்பு மற்றும் விருத்தியாக்கல் பூர்த்தி செய்யப்பட்டுள்ளதுடன் இம்முறைமை தற்போது பரீட்சார்த்த முறையில் செயற்படுத்தப்பட்டு வருகின்றது.